ಮುಂಬೈ: ಅಜಯ್ ದೇವಗನ್ ಅಭಿನಯದ ಸಸ್ಪೆನ್ಸ್ ಥ್ರಿಲ್ಲರ್ ‘ದೃಶ್ಯಂ 3’ ಬಾಕ್ಸ್ ಆಫೀಸ್ ನಲ್ಲಿ ಸುನಾಮಿಯನ್ನೇ ಸೃಷ್ಟಿಸಿದೆ. ಬಿಡುಗಡೆಯಾದ ಕೇವಲ 12 ದಿನಗಳಲ್ಲಿ ವಿಶ್ವಾದ್ಯಂತ 500 ಕೋಟಿ ರೂ. ಗಳ ಗಡಿ ದಾಟಿ ಹೊಸ ಇತಿಹಾಸ ಬರೆದಿದೆ.
ಅಭಿಷೇಕ್ ಪಾಠಕ್ ನಿರ್ದೇಶನದ ಈ ಸಿನಿಮಾ ಪ್ರೇಕ್ಷಕರ ಮನಗೆದ್ದಿದ್ದು, ಕಲೆಕ್ಷನ್ ನಲ್ಲೂ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ.
12 ದಿನದ ಕಲೆಕ್ಷನ್ ಎಷ್ಟು?
ಸ್ಯಾಕ್ನಿಲ್ಕ್ ವರದಿ ಪ್ರಕಾರ,
– ವಿಶ್ವಾದ್ಯಂತ ಕಲೆಕ್ಷನ್: 501.80 ಕೋಟಿ ರೂ.
– ಭಾರತದಲ್ಲಿ ನೆಟ್ ಕಲೆಕ್ಷನ್: 323.50 ಕೋಟಿ ರೂ.
– ಮೊದಲ ದಿನವೇ 62 ಕೋಟಿ ರೂ. ಭರ್ಜರಿ ಓಪನಿಂಗ್
– ಮೊದಲ ವಾರದಲ್ಲೇ 245.50 ಕೋಟಿ ರೂ. ಬಾಚಿಕೊಂಡಿತ್ತು
– ಎರಡನೇ ವೀಕೆಂಡ್ ನಲ್ಲೂ 60 ಕೋಟಿ ರೂ.ಗೂ ಅಧಿಕ ಗಳಿಕೆ
ಈ ಮೂಲಕ ಅಜಯ್ ದೇವಗನ್ ವೃತ್ತಿ ಜೀವನದಲ್ಲೇ ಅತಿ ಹೆಚ್ಚು ಗಳಿಕೆ ಕಂಡ ಸಿನಿಮಾ ಎಂಬ ಹೆಗ್ಗಳಿಕೆಗೆ ‘ದೃಶ್ಯಂ 3’ ಪಾತ್ರವಾಗಿದೆ. ಅಲ್ಲದೆ 2026ರ ಸಾಲಿನಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಭಾರತೀಯ ಚಿತ್ರಗಳ ಪೈಕಿ 2ನೇ ಸ್ಥಾನದಲ್ಲಿದೆ.
ದೃಶ್ಯಂ 4 ಇರುತ್ತಾ? ನಿರ್ದೇಶಕ ಹೇಳಿದ್ದೇನು?
500 ಕೋಟಿ ಕ್ಲಬ್ ಸೇರಿದ ಖುಷಿಯಲ್ಲಿರುವಾಗಲೇ ನಿರ್ದೇಶಕ ಅಭಿಷೇಕ್ ಪಾಠಕ್ ಅವರು ‘ದೃಶ್ಯಂ 4’ ಬಗ್ಗೆ ಬಿಗ್ ಅಪ್‌ಡೇಟ್ ನೀಡಿದ್ದಾರೆ.
ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಅವರು, “ಈ ಫ್ರಾಂಚೈಸಿ ತನ್ನ ಸಹಜ ಅಂತ್ಯವನ್ನು ತಲುಪಿದೆ. ಇದುವೇ ಕೊನೆಯ ಭಾಗ” ಎಂದು ಸ್ಪಷ್ಟಪಡಿಸಿದ್ದಾರೆ.
> “ಕಥೆಯನ್ನು ಎಳೆದರೆ ವಿಸ್ತರಿಸಬಹುದು, ಆದರೆ ಅದರಲ್ಲಿ ಅರ್ಥವಿಲ್ಲ. ಎಲ್ಲೋ ಒಂದು ಕಡೆ ನಿಲ್ಲಿಸಲೇಬೇಕು. ದೃಶ್ಯಂ 3 ಫ್ರಾಂಚೈಸಿಗೆ ಅತ್ಯಂತ ಸುಂದರವಾದ ಮುಕ್ತಾಯವಾಗಿದೆ. ಈ ಸುಂದರ ಅನುಭವವನ್ನು ಹಾಳು ಮಾಡಲು ನಾವು ಬಯಸುವುದಿಲ್ಲ. ಅಕ್ಟೋಬರ್ 2 ಅನ್ನು ದೃಶ್ಯಂ ದಿನವನ್ನಾಗಿ ಆಚರಿಸುವುದನ್ನು ಮುಂದುವರಿಸೋಣ” ಎಂದು ಅಭಿಷೇಕ್ ಪಾಠಕ್ ಹೇಳಿದ್ದಾರೆ.
ಚಿತ್ರದ ಕ್ಲೈಮ್ಯಾಕ್ಸ್ ಅತ್ಯಂತ ಸುಂದರವಾಗಿ ಮೂಡಿ ಬಂದಿದ್ದೇ ಈ ಯಶಸ್ಸಿಗೆ ಕಾರಣ ಎಂದು ಅವರು ಹೇಳಿದ್ದಾರೆ.
ಸದ್ಯ ‘ದೃಶ್ಯಂ 3’ ಇನ್ನೂ ಥಿಯೇಟರ್‌ಗಳಲ್ಲಿ ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿದ್ದು, ಎರಡನೇ ವೀಕೆಂಡ್ ಕಲೆಕ್ಷನ್ ಹಲವು ಸಿನಿಮಾಗಳ ಲೈಫ್‌ಟೈಮ್ ಕಲೆಕ್ಷನ್ ಗಿಂತ ಹೆಚ್ಚಿದೆ.
ನೀವು ದೃಶ್ಯಂ 3 ನೋಡಿದ್ರಾ? ಹೇಗನಿಸ್ತು ಕಮೆಂಟ್ ಮಾಡಿ