ಮುಂಬೈ, ಅಕ್ಟೋಬರ್ 15: ರಿಲಯನ್ಸ್ ಜಿಯೋ ಪ್ಲಾಟ್‌ಫಾರ್ಮ್ಸ್‌ನ (Jio Platforms) ಬೃಹತ್ ಐಪಿಒ ಬಿಡುಗಡೆಯ ಪ್ರಕಟಣೆಯು ಭಾರತೀಯ ಕಾರ್ಪೊರೇಟ್ ಇತಿಹಾಸದಲ್ಲಿ ಒಂದು ಐತಿಹಾಸಿಕ ಕ್ಷಣವಾಗಿದೆ ಎಂದು ಖ್ಯಾತ ಬ್ಯಾಂಕರ್ ಉದಯ್ ಕೋಟಕ್ (Uday Kotak) ಬಣ್ಣಿಸಿದ್ದಾರೆ. ಭಾರತದ ಡಿಜಿಟಲ್ ಪರಿವರ್ತನೆ ಮತ್ತು ದೀರ್ಘಕಾಲದ ಪರಿಶ್ರಮಕ್ಕೆ ಇದು ಸಾಕ್ಷಿಯಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಜಿಯೋ ಪ್ಲಾಟ್‌ಫಾರ್ಮ್ಸ್‌ನ ಈ ಸಾರ್ವಜನಿಕ ಷೇರು ಬಿಡುಗಡೆಯು (IPO) ಭಾರತದ ಮಾರುಕಟ್ಟೆ ಇತಿಹಾಸದಲ್ಲೇ ಇದುವರೆಗಿನ ಅತಿ ದೊಡ್ಡ ಐಪಿಒ ಆಗಿ ಹೊರಹೊಮ್ಮಲಿದೆ ಎಂದು ಉದಯ್ ಕೋಟಕ್ ತಿಳಿಸಿದ್ದಾರೆ.
ಡಿಜಿಟಲ್ ಕ್ರಾಂತಿ ಮತ್ತು ಪರಿಶ್ರಮದ ಪ್ರತೀಕ
1977ರಲ್ಲಿ ಧೀರೂಭಾಯಿ ಅಂಬಾನಿ ಅವರು ಸಾಮಾನ್ಯ ಜನರನ್ನು ರಿಲಯನ್ಸ್‌ನ ಬೆಳವಣಿಗೆಯಲ್ಲಿ ಪಾಲುದಾರರನ್ನಾಗಿ ಮಾಡಲು ಆರಂಭಿಸಿದ ಐತಿಹಾಸಿಕ ಪಯಣದ ಮುಂದುವರಿದ ಭಾಗವೇ ಇಂದಿನ ಜಿಯೋ ಯಶಸ್ಸು ಎಂದು ಬ್ಯಾಂಕಿಂಗ್ ಉದ್ಯಮಿಯಾದ ಉದಯ್ ಕೋಟಕ್ ಅವರು ಸ್ಮರಿಸಿದ್ದಾರೆ. ಭಾರತವನ್ನು ಡಿಜಿಟಲ್ ಯುಗದಲ್ಲಿ ಮುಂಚೂಣಿಗೆ ತರಲು ಜಿಯೋ ನಡೆಸಿರುವ ಸಾಹಸಯಾತ್ರೆ ಮತ್ತು ನಿರಂತರ ಪರಿಶ್ರಮವು ದೇಶದ ಆರ್ಥಿಕತೆಗೆ ದೊಡ್ಡ ಶಕ್ತಿ ತುಂಬಿದೆ ಎಂದು ಅವರು ಶ್ಲಾಘಿಸಿದ್ದಾರೆ.
‘ಸ್ವಂತವಾಗಿ ನಿರ್ಮಿಸಲಾದ ಎಂಡ್-ಟು-ಎಂಡ್ ಡಿಜಿಟಲ್ ಕನೆಕ್ಟಿವಿಟಿ ಸ್ಟ್ಯಾಕ್ ಹೊಂದಿರುವ ವಿಶ್ವದ ಏಕೈಕ ಟೆಲಿಕಾಂ ಕಂಪನಿ ಜಿಯೊ’ ಎಂದು ಉದಯ್ ಕೋಟಕ್ ಬಣ್ಣಿಸಿದ್ದಾರೆ. b092
Jio Platforms IPO: ಪ್ರಮುಖ ವಿವರಗಳು
ವಿವರ ಮಾಹಿತಿ
ಕಂಪನಿ- ಜಿಯೋ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್ (Reliance Industries ಅಂಗಸಂಸ್ಥೆ)
IPO ಗಾತ್ರ ₹30,213 ಕೋಟಿ (ಭಾರತದ ಅತಿದೊಡ್ಡ IPO)
ಪ್ರೈಸ್ ಬ್ಯಾಂಡ್- ₹1,065 ರಿಂದ ₹1,119 ಪ್ರತಿ ಷೇರಿಗೆ
ಓಪನ್ ದಿನಾಂಕ- ಅಕ್ಟೋಬರ್ 21, 2026
ಕ್ಲೋಸ್ ದಿನಾಂಕ- ಅಕ್ಟೋಬರ್ 23, 2026
ಆಂಕರ್ ಬಿಡ್ಡಿಂಗ್- ಅಕ್ಟೋಬರ್ 19
ಲಿಸ್ಟಿಂಗ್ ದಿನಾಂಕ- ಅಕ್ಟೋಬರ್ 28 (ನಿರೀಕ್ಷಿತ)
ಮಿನಿಮಮ್ ಲಾಟ್- 12 ಷೇರುಗಳು (₹13,428)
b0923086
ಏಕೆ ಇದು ಭಾರತದ ಅತಿದೊಡ್ಡ IPO?
ಇದಕ್ಕೂ ಮೊದಲು Hyundai Motor India ಕಂಪನಿಯ ₹27,858 ಕೋಟಿ IPO ಭಾರತದ ಅತಿದೊಡ್ಡ IPO ಆಗಿತ್ತು. ಆದರೆ ಜಿಯೋ ಪ್ಲಾಟ್‌ಫಾರ್ಮ್ಸ್‌ನ ₹30,213 ಕೋಟಿ IPO ಅದನ್ನು ಹಿಂದಿಕ್ಕಲಿದೆ. LIC ಯ ₹20,557 ಕೋಟಿ IPO ನಂತರದ ಸ್ಥಾನದಲ್ಲಿದೆ. 3086
ವಿಶೇಷತೆ: ಈ IPO ಸಂಪೂರ್ಣವಾಗಿ Fresh Issue ಆಗಿದೆ, ಯಾವುದೇ Offer for Sale (OFS) ಇಲ್ಲ. ಅಂದರೆ ಸಂಗ್ರಹವಾಗುವ ಹಣ ನೇರವಾಗಿ ಕಂಪನಿಗೆ ಹೋಗುತ್ತದೆ. ಇದರಲ್ಲಿ ₹27,500 ಕೋಟಿಯನ್ನು ಸಾಲ ಮರುಪಾವತಿಗೆ ಬಳಸಲಾಗುವುದು ಎಂದು ಆಕಾಶ್ ಅಂಬಾನಿ ತಿಳಿಸಿದ್ದಾರೆ. b092
ಹೂಡಿಕೆದಾರರಿಗೆ ಲಾಭವೇನು?
– ಷೇರುದಾರರಿಗೆ ಮೀಸಲು: Reliance Industries ಷೇರುದಾರರಿಗೆ ₹2,500 ಕೋಟಿ ಮೌಲ್ಯದ ಷೇರುಗಳು ಮೀಸಲು
– ಉದ್ಯೋಗಿಗಳಿಗೆ ರಿಯಾಯಿತಿ: ಅರ್ಹ ಉದ್ಯೋಗಿಗಳಿಗೆ ಪ್ರತಿ ಷೇರಿಗೆ ₹54 ರಿಯಾಯಿತಿ
– GMP: ಪ್ರಸ್ತುತ Grey Market Premium ₹200 ಆಸುಪಾಸಿನಲ್ಲಿದ್ದು, 18% ಲಿಸ್ಟಿಂಗ್ ಗೇನ್ ನಿರೀಕ್ಷೆ ಇದೆ 6bd430865e57
ಕೋಟಕ್ ಮಹೀಂದ್ರ ಕ್ಯಾಪಿಟಲ್ ಈ IPOದ ಪ್ರಮುಖ ನಿರ್ವಾಹಕ ಸಂಸ್ಥೆಗಳಲ್ಲಿ ಒಂದಾಗಿದೆ.
ಗಮನಿಸಿ: ಷೇರು ಮಾರುಕಟ್ಟೆ ಹೂಡಿಕೆ ಅಪಾಯಕ್ಕೆ ಒಳಪಟ್ಟಿರುತ್ತದೆ. ಹೂಡಿಕೆ ಮಾಡುವ ಮುನ್ನ ನಿಮ್ಮ ಹಣಕಾಸು ಸಲಹೆಗಾರರನ್ನು ಸಂಪರ್ಕಿಸಿ.